KWA NINI KILA MJAMZITO NI LAZIMA APEWE SP?

SP (SULFADOXINE PYREMETHAMINE) ni dawa imayotumika kama tiba ya tahadhari kwa vipindi kwa wajawazito.
Kwa sasa hakuna dawa ya kinga ya ugonjwa wa malaria (Chemoprophylaxis) kwa wajawazito yenye ufanisi na usalama wa uhakika.
Kwa sasa mbinu bora itumikayo ni kuondoa maambukizo ya vimelea vya malaria kwenye kondo la nyuma
Maambukizi ya malaria kwenye kondo la nyuma husababisha madhara ya malaria kwenye kipindi cha ujauzito.

 NINI MADHARA YA MAAMBUKIZI YA MALARIA KWENYE KONDO LA NYUMA?

Madhara ya maambukizi ya malaria kwenye kondo la nyuma hutokea kwa mama na kijusi nayo ni

  • Upungufu wa damu kwa mjamzito
  • Mtoto kuzaliwa akiwa na uzito pungufu
  • Kijusi kufa tumboni
  • Kuzaa kabla ya wakati
  • Kijusi kudumaa tumboni
  • Watoto wachanga kuzaliwa wakiwa na malaria
Kwa ajili ya kuzuia madhara yatokanayo na malaria katika kipindi chote cha ujauzito, kwa uchache dozi tatu za SP zitatolewa

SP HUTOLEWAJE KWA WAJAWAZITO?

 Kama tiba ya tahadhari kwa vipindi SP hutolewa kwa wajawazito wote kila wanapohudhuria kliniki ya wajawazito kama ifuatavyo

  • Angalau dozi tatu za SP hutolewa katika kipindi chote cha ujauzito
  • Dozi ya kwanza ya SP hutolewa katika hudhurio la wiki ya 14 ya umri wa ujauzito
  • Huwa kunakuwa na kipindi cha mwezi mmoja kati ya dozi moja ya SP na nyingine
  • Dozi ya mwisho ya SP hutolewa hata kwa kuchelewa bila hofu ya usalama  ( Juma la 36)
  • Wanaotumia dawa ya Co-trimoxazole kama kinga huwa hawapewi SP 
Wajawazito wenye mzio(Allergy) wa sulfonamide wasitumie dawa ya SP japo kwa sasa hakuna dawa mbadala inayopendekezwa zaidi ya SP.

Hivyo basi ni muhimu kwa wajawazito wote kupata SP ili kuepukana na madhara yanayoweza kujitokeza kwa sababu ya maambukizi ya malaria kwenye kondo la nyuma

Comments

Post a Comment

Popular posts from this blog

ARTESUNATE TIBA SAHIHI KWA MALARIA KALI

MALARIA NI NINI? Malaria ni ugonjwa unaosababishwa unaosababishwa na vimelea viitwavyo plasmodia. Ugonjwa huu husambazwa na mbu NINI DAWA YA MALARIA ISIYO KALI Malaria isiyo kali hutibiwa kwa dawa mseto maarufu kama Artemether lumefantrine (ALU) ZIPI NI DALILI ZA MALARTIA KALI? Kulegea kupita kiasi Mabadiliko ya tabia kama vile maluweluwe, kuhisi au kuona vitu visivyo kuwepo Kupumkua kwa shida Manjano Kutapika kila kitu Kushindwa kula au kunyonya Damu kushindwa kuzunguka mwilini Kutokwa damu kirahisi na mara kwa mara NINI TIBA SAHIHI YA MALARIA KALI Dawa ya sindano iitwayo Artesunate ndio dawa chaguo la kwanza katika kutibu malaria Dawa hii huweza kutolewa kwa njia ya mshipa au msuli kwa kipindi kisichopungua masaa 24 Baada ya hapo matgibabu hukamilishwa kwa kumpatia mgonjwa dozi kamili ya ALU HAISHAURIWI  kutumia artesunate kwa wajawazito wenye mimba iliyo na umri chini ya miezi mitatu DAWA YA KWININI ITUMIKE KWA WAJAWAZITO WENYE MIMBA YENYE UMRI CHINI YA WI...
Read more

ZITAMBUE DALILI NA ISHARA ZA UPUNGUFU WA DAMU MWILINI

Upungufu wa damu mwilini huambatana na DALILI zifuatazo ; Kuchoka kirahisi Kushindwa kula na kunywa (hasa kwa watoto) Kizunguzungu na kupumua kwa shida hasa kwa akinamama wajawazito wanapofanya shughuli yoyote Historia ya kula udongo (Hasa kwa watoto na wakina mama wajawazito Ishara zifuatazo huambatana na na upungufu wa damu mwilini Weupe wa viganja, nyayo, chini ya kucha, konjactiva na ulimi Dalili za kushindwa kupumua ( kupepeta kwa pua ,kubonyea kwa kifua wakati wa kuvuta hewa, kupumua kwa shida au kutoa sauti ya kugugumia au miluzi wakati wa kuvuta hewa) Dalili za moyo kushindwa kufanya kazi kama vile (  Kupumua kwa shida ,mapigo ya moyo kwenda kasi, moyo kudunda hovyo, kuvimba mwili, kuvimba macho na ini kuuma na kuvimba linapotomaswa )
Read more